HPG: 5 dagirker hatin cezakirin

• Navenda Ragihandin û Çapemeniyê ya HPG'ê ragihand ku hêzên gerîla li Rojavayê Zapê, Xakurkê û Metînayê li dijî dagirkeran çalakiyên xurt kirine û dewleta Tirk a dagirker hîn jî teqemeniyên qedexekirî û çekên kîmyewî li qadên gerîla bi kar tîne.

Di daxuyaniya HPG'ê de li ser çalakiyên gerîla û êrîşên artêşa Tirk a dagirker de ev agahî hatin dayin:

"Li Herêma Şehîd Delîl a Rojavayê Zapê;

27'ê Cotmehê saet di 06:30'î de li Qada Berxwedanê ya Girê Baharê bi sekvaniyê li dagirkeran hate xistin û dagirkerek hate cezakirin.

27'ê Cotmehê saet di 13:10'an de li Qada Berxwedanê ya Girê Baharê bi rêbaza sekvaniyê li dagirkeran hate xistin û dagirkerek hate cezakirin.

Li Herêma Xakurkê;

27'ê Cotmehê saet di 12:20'î de li Qada Berxwedanê ya Lolanê bi çekên ferdî dest li dagirkeran hate werdan ku hewl didan xwe nêzî tunelên me yên şer bikin.

28'ê Cotmehê saet di 03:15'an de li Qada Berxwedanê ya Lolanê bi çekên ferdî li dagirkeran hat werdan ku hewl didan xwe nêzî tunelên me yên şer bikin. Piştî destwerdana hêzên me dagirker neçar man bi astekê xwe vekişînin.

28'ê Cotmehê saet di 08:50'î de li Qada Berxwedanê ya Lolanê bi çekên ferdî dest li dagirkeran hate werdan ku hewl didan xwe nêzî tunelên me bikin. Piştî destwerdanê hêzên dagirker neçar man bi astekê xwe vekişînin.

28'ê Cotmehê saet di 15:15 û 16:00 de li Qada Berxwedanê ya Lolanê bi rêbaza sekvaniyê li dagirkeran hate xistin. Di encama vê çalakiyê de leşkerekî dagirker hate cezakirin, dagirkerek jî birîndar bû.

28'ê Cotmehê saet di 16:10'an de li Qada Berxwedanê ya Lolanê bi çekên ferdî li dagirkeran hate xistin ku hewl didan teqemeniyên qedexekirî li tunelên me yên şer bi cih bikin. Di encama vê çalakiya hêzên me yên YJA Starê de dagirkerek birîndar bû.

29'ê Cotmehê saet di 06:05 û 06:10'an de li Qada Berxwedanê ya Lolanê bi sekvaniyê li dagirkeran hate xistin. Di vê çalakiya hêzên me yên YJA Starê de dagirkerek hate cezakirin, dagirkerek jî birîndar bû.

Li Herêma Metînayê;

27'ê Cotmehê saet di 11:00 de li Qada Berxwedanê ya Dergelê bi çekên ferdî li dagirkeran hate xistin ku hewl didan xwe nêzî tunelên şer bikin. Di encamê de dagirkerek hate cezakirin. Piştî vê çalakiyê dagirker neçar man bi astekê xwe vekişînin.

27'ê Cotmehê saet di 22:30'î de li Qada Berxwedanê ya Şêlazê bi çekên nîv otomatîk dest li helîkopteran hate werdan û derb li helîkopterekê hate xistin. Helîkoptera ku derb xwar neçar ma ji qadê biçe.

Êrîşên artêşa dewleta Tirk a dagirker ên bi teqemeniyên qedexekirî;

27 û 28'ê Cotmehê li Herêma Şehîd Delîl a Rojavayê Zapê tunelên me yên li Qada Berxwedanê ya Girê FM'ê 8 caran bi teqemeniyên qedexekirî hatin bombekirin.

27 û 28'ê Cotmehê li Herêma Xakurkê tunelên me yên li Qada Berxwedanê ya Lolanê carekê bi çekên kîmyewî û 2 caran bi teqemeniyên qedexekirî hatin bombekirin.

Êrîşên artêşa dewleta Tirk a dagirker;

27 û 28'ê Cotmehê li Herêma Qendîlê qada Gundê Silê carekê, li Herêma Xakurkê Qadên Berxwedanê yên Berbizinê, Şehîd Şerîf, Kendekola, Lolan, Qeleyê 18 caran, li Herêma Garê qadên Yekmalê, Ergenê 2 caran, li Herêma Metînayê Qadên Berxwedanê yên Bêşîlî, Dergelê, Serê Metînayê 6 caran, li Herêma Şehîd Delîl a Rojavayê Zapê Qadên Berxwedanê yên Girê Cûdî, Girê Bahar 9 caran; bi giştî 36 caran bi balafirên şer hatin bombekirin.

27 û 28'ê Cotmehê li Herêma Xakurkê Qadên Berxwedanê yên Girê Şekîf, Şehîd Şerîf 6 caran, li Herêma Şehîd Delîl a Rojavayê Zapê Qadên Berxwedanê yên Girê Cûdî û Girê FM'ê 16 caran, li Herêma Metînayê Qadên Berxwedanê yên Bêşîlî û Dergelê 15 caran; bi giştî 37 caran bi helîkopterên êrîşê hatin bombekirin." BEHDÎNAN