Hevala Ocalan rojbûna wî pîroz kir

Hevala zarokatiya Rêberê Gelê Kurd Abdullah Ocalan Elîf Bindal têkildarî bîranînên xwe yên zarokatiya Rêberê Gelê Kurd Abdullah Ocalan wiha got:"Me bi Evdila (Abdullah Ocalan) re lîstik dilîst. Evdila qet ranawestiya. Zarokên gund li dora xwe kom dikirin." 

Amadekariyên ji bo 4’ê Nîsanê rojbûna Rêberê Gelê Kurd Abdullah Ocalan didomin, îsal ku wê 76’emîn rojbûna Rêberê Gelê Kurd Abdullah Ocalan were pîrozkirin, ji hemû pêkhateyan bi taybet jin wê li navenda navçeya Xelfetî ya Riha û Amara ya ku Rêberê Gelê Kurd lê ji dayik bûye çalakiyan li dar bixin. Meşa ku ji Amedê ji aliyê Meclîsa Ciwanan a Partiya Wekheviya û Demokrasiyê ya Gelan (DEM Partî) ve hatibû destpêkirin dewam dike, li Amara ya ku Rêberê Gelê Kurd Abdullah Ocalan lê ji dayik bûye, 4'ê Nîsanê bi kelecanekê tê pêşwazîkirin. 

Li gundê Amara ku amadekariya pîrozbahiya 4'ê Nîsanê lê tê kirin jî hevalên zarokatiya Rêberê Gelê Kurd Abdullah Ocalan hene. Rêberê Gelê Kurd ku jiyana xwe û civaka Kurd analîz dike, gelek caran li ser zarokatî û hevalên xwe yên zarokatiyê nirxandinan dike. 

Rêberê Gelê Kurd li ser Elîf Bîndal û Hesen Bîndal ên ku di pirtûkê de hatine binavkirin van analîzan dike: "Dema ez zarok bûm, bi Hesen û Elîfê re hevaltiyek me ya taybet hebû. Hêviya min ji min ew bû ku dema ez mezin bûm bi wan re şer bikim û tola wan hilînim. Ez difikirîm ka ez çawa dikarim di wî temenî de pêşî li vê yekê bigirim. Ez sê, pênc, deh salan xebitîm û min ev nakokî ji holê rakir."

Têkildarî 4’ê Nîsanê Elîf Bindal û xwişka Hasan Bindal, Elîf Kurucu axivîn.

Elîf Bîndal, diyar kir ku wê di zarokatiya xwe de bi Rêberê Gelê Kurd Abdullah Ocalan re lîstik lîstiye û got : "Me bi Evdila (Abdullah Ocalan) re lîstik dilîst. Evdila qet ranawestiya. Zarokên gund li dora xwe kom dikirin." 

Elîf Bindal, anî ziman ku bi salan e li hemberî Gelê Kurd polîtîkayên tunehesibandinê tê meşandin û wiha bi lêv kir: "Beriya derketina Evdila jî zilm li gelê kurd dihat kirin. Dibêjin dê pêvajoyeke nû dest pê bike û aştî çêbibe. Xwezî tiştekî wiha bibûya. Ez rojbûna Evdila û cejna wî pîroz dikim." 

Elîf Kurucu anî ziman ku ew 4'ê Nîsanê pîroz dike û diyar kir ku 7'ê Nîsanê roja ji dayikbûna Hasan Bindal e û got: "Apo û birayê min tu carî dest ji hevaltiya xwe bernedan. Apo tevî hemû şert û mercên zindan û tecrîdê li ber xwe dide. Em dixwazin azadiya fîzîkî ya Apo pêk were."

JINNEWS/RIHA