Dîwana Wêjeyê ya Bakur û Rojhilatê Sûriyeyê, dewreya Hefteya Wêjeyî ya 2’yan - Sala Melayê Cizîrî di 29'ê Nîsanê de li xwaringeha Zanîngeha Kobanê dabû destpêkirin.
Di roja dawî ya Hefteya Wêjeyî de jî kesayetên Bakur û Rojhilatê Sûriyeyê, Cizîrê, Minbic, Kobanê û Reqayê beşdarî çalakiyên wêjeyî bûn.
Di 6 rojên Hefteya Wêjeyî de nasname û felsefeya Melayê Cizîrî, nasnameya Kurdî di berhemên wî de, romana Kurdî û bipêşketin û modernîteyê û rexnegiriya wêjeyî û rola wê di bipêşxistina wêjeyê de, hatin nîqaşkirin.
Her wiha çîrok û helbestên bi zimanên Kurdî û Erebî jî hatin xwendin.
Di roja dawîn de jî beşdaran di paneleke diyalogê de bi beşdariya helbestvan Hisên Mihemed Elî, Selah Muslim, Şadî Îsmaîl û rêvebera Dîwana Wêjeyê Narîman Evdikê û birêveberiya hunermend Ehmed Dalî, rola rexnegiriyê di bipêşxistina wêjeyê de nîqaş kir.
ANHA/KOBANÊ
