HDP li Brukselê nesekinî

• Heyeta HDP'ê li ser rewşa siyasî, hilbijartin, senaryoyên hilbijartinê, dozên girtinê û Kobanê, êrişên li dijî HDP'ê û kongreya HDP'ê ya ku wê Tîrmehê bê lidarxistin, di hevdîtinan de nirxand.

Hevserokê Giştî yê HDP'ê Mîthat Sancar, Hevberdevkên Komîsyona Têkiliyên Derve Feleknas Ûca û Hişyar Ozsoy û Nûnerê HDP'ê yê li Ewrûpayê Devrîş Çîmen li Brukselê li Parlamena Ewrûpayê hevdîtinên xwe yên du rojan temam kirin.

Heyeta HDP'ê li ser rewşa siyasî, hilbijartin, senaryoyên hilbijartinê, dozên girtinê û Kobanê, êrişên li dijî HDP'ê û kongreya HDP'ê ya ku wê Tîrmehê bê lidarxistin, di hevdîtinan de nirxand. Êrişên dagirkeriyê yên nû, pîlanên êriş û dagirkeriyê yên li dijî Rojava jî mijarên hevdîtinên bi rayedarên Parlamenta Ewrûpayê re bûn.

Heyeta HDP'ê roja destpêkê bi van kesayetan re hevdîtin kir:

Serokê PASOK/KINAL û ji Koma Sosyalîst & Demokratan a parlamenterê Ewrûpayê Nikos Androulakis û Serokê Delegasyona Partiya Demokratîk a Îtalyayê Brando Benifei, Serokê Koma Çep a Parlamenta Ewrûpayê (GUE/NGL) Martin Schirdewan, Alîkarê Serokê Parlementa Ewropayê û Serokê Delegasyona Syrîza ya Koma GUE/NGL Dimitrios Papadimoulis, Hevseroka Koma Kesk/EFA Ska Keller û Hevserokê Delegasyona Têkel a Yekîtiya Ewrûpa/Tirkiyeyê û parlamentê Ewrûpayê yê ji Koma Keskan Sergey Lagodinsky.

Heyetê roja duyemîn jî ji Parlamena Ewrûpayê bi Raportorê Daimî yê Tirkiyeyê Nacho Sánchez Amor, Berdevkê Têkiliyên Derve yê Koma Partiya Gel a Ewrûpayê ya Parlamena Ewrûpayê (EPP) Michael Gahler, Seroka Koma Sosyalîst & Demokratan a Parlamena Ewrûpayê Iratxe García Pérez û Seroka Komîteya Jêrîn a Parastin û Ewlekariyê ya Parlamena Ewrûpayê û endama Koma Lîberal (Renew) Nathalie Loiseau re hevdîtin kir.

Heyetê bi endamên Koordînasyona Koma Dostaniya Kurd a Parlamena Ewrûpayê Andreas Schieder, Fronçois Alfonsi û tîma kar û parlamenteran a koma dostaniyê re civîneke berfireh li dar xist û li ser karên dostaniyê axivî.

Heyeta HDP'ê di roja duyemîn a hevdîtinan de serdana navenda Partiya Sosyalîst a Ewrûpayê ya li Brukselê (Party of the European Socialists - PES) kir û bi rayedarên PES´ê Giacomo Filibeck û Yonnec Polet re hevdîtin kir.  

ANF/BRUKSEL