HDP de muracatê namzetîye dest pêkenê
În 17 Adar 2023 - 10:05
OZGUR PAKSOY / MA / ENQERA
HDP de seba weçînitişî muracatê namzetîye do mabênê 17-25ê Adare de bêrê kerdene.
HDP, seba weçînitişê 14ê Gulane xebatanê xo ramneno. Pêro bajaran de koordînasyonê weçînitişî ameyê ronayene. HDP do bi Kûrûla Rayraberdişî û Meclîsa Partîye xebatanê weçînitişî teqîb bikero.
Hewza nameyan do bêra awankerdene
HDP, seba namzetîye do mabênê 17-25ê Adare de dest bi girewtişê muracatan bikero. Pêro bajaran de xebatî ameyê temamkerdiş û hewza nameyan ameye awankerdene. HDP do seba namzetbîyayîşî nameyanê sembolan rê zî teklîfê namzetîye bikero.
Kesê weçînayeyî nêşkenê muracat bikerê
Kesê ke sey hemserekê Beledîye ameyê weçînayîş, bîyê endamê meclîsa beledîye û bîyê encumen nêşkenê muracat bikerê. Kombîyayîşê partîye de fikir ameyo beyankerdiş ke do şertê 2 rey nêweçînayîşî dewam bikero.