Gerîla artêşa Tirk şikand
Yekşem 15 Gulan 2022 - 21:21
- Di nava mehekê de gerîla 515 leşkerên artêşa Tirk li Başûrê Kurdistanê bê tesîr kirin û kir ku êdî nikaribin şer bikin. HPG dibêje, artêşa Tirk heta niha şikesteke cidî xwariye.
HPG'ê bîlançoya şerê li dijêî dagirkeriya Tirk a mehekê eşkere kir. Li gorî vê, 427 leşkerên Tirk ên dagirker hatin kuştin, helîkoptereke Skorsky, tankek û gelek amûr û malzemeyên leşkerî hatin îmhakirin. Di berxwedana dijî êrişên dagirkeriyê de 25 gerîla şehîd bûn.
Navenda Ragihandin û Çapemeniyê ya HPG'ê bîlançoya mehekê ya şerê di çarçoveya Pêngava Şoreşgerî ya Bazên Zagrosê de, eşkere kir.
HPG´ê got, "Dewleta Tirk a mêtinger tenê di nava mehekê de bi qasî ku hêzên me tespîtkirine; bi hezaran obus û top li qadên berxwedanê barandin û 813 caran bi balafirên şer bombardûman kir, lê encamek ji van êrişan bi dest nexist. Artêşa Tirk a dagirker ku li gel van êrişan nekarî encamê wergire, careke din dest bi bikaranîn rê û rêbazên şerê qirêj kir. Artêşa Tirk a dagirker, 164 caran li dijî Qadên Berxwedanê çekên kîmyewî bi kar anî û sûcê şer kir. Dewleta Tirk a mêtinger di vê êrişa xwe ya dagirkeriyê de di ser qadên di bin kontrola PDK'ê de ne gelek caran êriş kir û baregehên xwe yên leşkerî yên li nava Başûrê Kurdistanê bi rengekî çalak bi kar anîn û ji van baregehan hêz şand Qadên Berxwedanê. Artêşa Tirk li gel her cûre piştgiriyê jî bi vê êrişa dagirkeriyê nekarî bigihîje armanca xwe û di asteke cidî de şikest.”
HPG´ê da zanîn ku di êrişên dewleta Tirk de di nava mehekê de 25 gerîla şehîd bûne û 427 leşkerên Tirk hatine kuştin. Wê bîlançoya eşrê mehekê ji 14´ê Nîsanê heta 14´ê Gulanê jî wiha eşkere kir:
Çalakiyên gerîlayan
- 4 çalakiyên biserdegirtinê
- 4 çalakiyên xweberdana nava dijmin
- 20 çalakiyên koordîneyî û hemwextî
- 37 çalakiyên sabotajê
- 62 çalakiyên sekvaniyê
- 68 çalakiyên bi çekên giran
- 147 şer û çalakiyên derblêdanê
- Gerîla bi giştî 343 çalakî li dar xistin.
Encamên çalakiyên gerîlayan
- 427 dagirker hatin kuştin.
- 88 dagirker birîndar bûn.
Êrişên ji aliyê artêşa Tirk a dagirker ve hatin kirin;
- Bi qasî ku hêzên me tespît kirine, Qadên Berxwedanê û Herêmên Parastinê yên Medyayê bi giştî 817 caran bi balafirên şer hatin bombekirin.
- 719 caran bi helîkopterên êrişê û 1274 caran bi obusan bombardûman hate kirin.
- 164 caran bi gazên kîmyewî bombe li çeperên şer ên hêzên me hatin barandin.
Amûr û malzemeyên leşkerî yên gerîla îmhakirî
- Helîkopterek bi tîpa Skorsky
- Tankek
- 14 çeper
- 7 Drone
- 5 Sîstemên Kamera yên Mobesse
- 2 Cîhazên Guhdarîkirinê
- Çekek BKC
- Çekek bombeavêj
- Çekek A4
- 2 Konên Leşkerî
- 2 kamerayên wênekişandinê û sensorên tevgerê hatin îmhakirin.
Wesayitên leşkerî yên ku hêzên me derb li wan xistin;
- 22 helîkopter
- 3 Drone
- Wesayiteke leşkerî."
Ji 14’ê Gulanê ve gerîla 23 leşker kuştin
Gerîlayên Azadiyê yên Kurdistanê li dijî dewleta Tirk a dagirker ji 14´ê Gulanê ve 23 dagirker kuştin, 10 dagirker jîjî birîndar bûn.
HPG”´ê da zanîn ku Artêşa Tirk a dagirker ji 14´ê Gulanê ve 13 caran bi çekên kîmyewî, bi sedan caran bi balafiran, helîkopter û obusan bombe li qadên berxwedanê barandine, lê dîsa jî derbên gerîla xwarine.
HPG´ê da zanîn ku wan dest daniye ser 20 kîlo teqemenî jî. Gerîlayan li Avaşînê 14'ê Gulanê bi çekên ferdî û giran 4 caran li dagirkeran daye.
Li Zapê jî 14'ê Gulanê ve nexasim bi çalakiyên sabotajê 23 dagirkler hatin kuştin.
BEHDÎNAN