Emîne Şenyaşare: Edalet bi paştîdayîşî yeno

Emîne Şenyaşare roja 778ine ya Nobeta Edaletî de qisey kerd û va, “Eke ma paştî bidê yewnînî do edalet bêro.”

Nobeta Edaletî ya ke hetê Emîne Şenyaşare û lajê ci Ferît Şenyaşarî ra 9ê Adare 2021î de dest pêkerde dewam kena. Mêrdeyê û 2 lajê dayîka Emîne hetê pawitoxanê wekîlê AKPyî Îbrahîm Halîl Yildizî ra ameybî qetilkerdiş û yew lajê ci zî erzîyabi hepis.

Emîne Şeryaşare û Ferît Şenyaşar Pirsûs ra ameyê vernîya Edlîyeya Rihayî. Tîya de Emîne Şenyaşare qisey kerd û va, “Ez nêzdîya 3 serrî yo ke tîya de seba edaletî ronişena. Ez seba edaletî şîya Enqera, Îstanbûl la mi edalet nêdî. Edaletê nê hukmatî çin o. Ma ganî yewbînî tena meverdê. Eke ma paştî bidê yewbînî do edalet bêro. Eke nêbo bêedaletîye do dewam bikera. Heta lajê mi vera bidîyo ez do tîya de nobete bigera û tîya ra meşêra.”

MA / RIHA