Emerîkayê êrişê Heşdî Şeebî kir

Nûçeyên Cîhan

Pêncşem 25 Çile 2024 - 01:45

Wezareta Parastinê ya Emerîkayê (Pentagon) bi daxuyaniyekê ragihand ku wan bi fermana raste rast ya Serokê Emerîkayê Joe Biden, di çarçoveya tolgirtina êrişa li ser baregeha Eyn Esed de, li Iraqê sê baregehên komên girêdayî Hîzbûllah ya nêzîkî Îranê bombebarankirin. Medya Iraqê jî diyar kir ku baregehên Hîzbullah ên li Enbar û Babil hatine bombebarankirin û encamê de kuştî û birîndar çêbûne. Hêjayî gotinêye ku pêr bi şev komên çekdarên Meqawmey Îslamî (Berxwedana Îslamî) êrişî baregeha Eyn Esed a hêzên Emerîkayê ya li parêzgeha Enbar kir. Emerîkayê beriya niha ragihandibû ku li dijî êrişên komên çekdarên nêzîkî Îranê yên li ser hêzên wan, mafê wan ê parastina hêzên hevpeyman li herêmê heye ku di dem û cihên guncav de wê bersiv werin dayîn.

ROJNEWS

parvê bike

   

Yeni Özgür Politika

© Copyright 2024 Yeni Özgür Politika | Mafên belavkirinê parastî ne.