Em li Serokê xwe xwedî derkevin

Di ser çalakiya Bubo Taş ê ku li dijî tecrîda giran a li ser Rêber Abdullah Ocalan bi gotina:“Bi ken diçim. Bi hezkirin û vîna xwe diçim” bedena xwe da ber agir 2 sal derbas bûn. Taş ê ku got:"Karwanê şehîdan li benda min e. Çalakiya min ji bo Rêberê Gelê Kurd Abdullah Ocalan e" û di 12'ê çileya 2023'an de li dijî tecrîdê li Sanayiya Biçûk a navçeya Artuklu ya Mêrdînê bedena xwe da ber agir. Bubo Taş ê ku xebatên xwe yên siyasî yên beriya darbeya leşkerî ya 12'ê Îlonê ya li Mêrdînê dest pê kiribû, heta kêliyên dawî yên jiyana xwe berdewam kir, dema ku şofêrê taksiyê dixebitî, bi kadroyên pêşeng ên PKK'ê re xebitî. Bubo Taş ê ku piştî derbeya leşkerî ya 12'ê Îlonê hat binçavkirin û tevî êşkenceya ku hat kirin jî bi gotina "Ez ê çi zanim jî dev jê bernedim" di bin êşkenceyên giran de hat girtin û li Girtîgeha Leşkerî ya Jimare 5'an a Amedê hat girtin.

Ji Hayrî Durmuş bandor bû

Dema Bubo Taş birin qawîşa Girtîgeha Jimare 5 ku 37 kes bi êşkenceyê hatin qetilkirin û yek ji kadroyên pêşeng ên PKK'ê Mehmet Hayrî Durmuş jî tê de bû, gelekî bandor li Taş kiribû. Bubo Taş ku ji wê rojê û vir ve di ramanên xwe de guhertinên kûr dît, piştî ku heta sala 1986'an di girtîgehê de ma, hat berdan. Taş ê ku piştî serbestberdana xwe xebatên xwe yên siyasî berdewam kir, di salên 1990'î de di DEP, HADEP, DEHAP, DTP, DBP û di Komeleya 78'an de cih girt. Bubo Taş ê ku di cotmeha 2021'an de careke din hat girtin, piştî hat berdan di hezîrana 2022'an de jî karê xwe berdewam kir.

Ez bi ken diçim

Taş ê ku tecrîd kir rojeva herî girîng a jiyana xwe, ji derdora xwe re got:"Eger şiyar nebe, em ê di bin tecrîdeke girantir a ku beriya çalakiya wî li ser Rêbertiyê hatiye ferzkirin, bihêlin." 

Taş vîdeoyek weşand û wiha got:"Ez bi ken diçim. Ez bi hezkirin û vîna xwe diçim. Hûn hev bigirin. Tiştekî din bi kêrî me nayê. Divê em serokê xwe biparêzin. Nexwe em ê yek bi yek di vê rêyê de bên tunekirin. Em ê di nav xwe de belav bibin. Ya ku ez ji ciwanên kurd û jinên kurd dixwazim ev e.”

MA/MÊRDÎN