Em azadiya Rêber Apo misoger bikin

Endamên Meclîsa Ciwanên DEM Partiyê, diyar kirin ku armanca meşê pêkanîna azadiya fîzîkî ya Rêberê Gelê Kurd Abdullah Ocalan e û gotin: "Em ê azadiya Rêber Apo misoger bikin."

Meclisa Ciwanên Partiya Wekhevî û Demokrasiyê ya Gelan (DEM Partî) bi boneya 76’emîn rojbûna Rêberê Gelê Kurd Abdullah Ocalan ji Amedê ber bi gundê Amara ya navçeya Xelfetî ya Rihayê ve dest bi meşê kir. Ciwanên ku ji Amedê bi rê ketin, gihiştin navçeya Pirsûsa Rihayê. Meşa ciwanan a bi dirûşma "Em bi civaka demokratîk ber bi azadiyê ve dimeşin" wê di 4'ê Nîsanê de li Amara ku Abdullah Ocalan lê ji dayik bûye bi dawî bibe.

Ciwanên ku beşdarî meşê bûn axivîn. 

Em azadiya Rêber Apo misoger bikin

Endama Meclîsa Jinan a DEM Partiyê Rumeysa Bozkurt ku destpêkê axivî, bal kişand ser armanca meşê û wiha bi lêv kir: "Armanca meşa me ew e ku azadiya fîzîkî ya Rêberê Gelan Abdullah Ocalan pêk bînin. Weke jin em bi pêşengiya jinan ber bi Amarayê ve dimeşin. Em ê bi modela şoreşa jinê ya Rojava ve dimeşin heta Amarayê. Berxwedana li Sîweregê moralekî mezin da me, Rêber Apo li cihê ku lê ji dayik bûye, em ê destpêkeke nû bikin. Em bi taybetî jin pir kêfxweş in. Em azadiya Rêber Apo misoger bikin. "

Tu zext nikare bi me

Endama Meclîsa Jinên Ciwan a Kongereya Demokratîk a Gelan (HDK) Şeval Çaşurluk, wiha got: "Meşa me pir xweş, bi heyecan bû. Li rawestgehan me govend, kilam û stranên xwe radiwestiyan. Ne tenê ciwanên Kurdistanê li vir in, her wiha rêhevalên me yên ji partiyên pêkhatî jî bi me re ne. Dayikan bi kulîlkan em pêşwazî kirin û jinên ciwan yek bi yek hembêz kirin. Em di wê baweriyê de ne ku tu zext nikare bi me."

JINNEWS/PELŞÎN ÇETÎNKAYA/RIHA