Li aliyê din gelek rêxistinên ji kurdistanê û derveyî Kurdistanê jî bi daxuyaniyên xwe hem banga xwedîderketina li mafên jinan kirin û hem jî hovîtiya rejîma Îranê rûreş kirin.
KJK'ê kuştina Mehsa Amîrî bi hêrs şermezar kir û di serî de jinên li Rojhilatê Kurdistanê bang li jinên Belûcî, Fars û Azerî kir ku li dijî van polîtîkayên dijminatiya li jinê, li her qadê têkoşîna xweparastinê mezin bikin.
TJA’yê jî têkildarî şehîdkirina Mehsa Amînî bi destê rejîma Îranê, daxuyanî da û polîtîkayên dijminane yên li dijî jinan şermezar kirin. TJA’yê, diyar kir ku vîna Jîna Mehsa Amînî û têkoşîna wê ya ji bo nasnameyê ew ê ji bîr nekin.
Di daxuyaniyê de her wiha “Sirûda Jinan a ji bo Wekheviyê” ya ku aktîvîstên jin ên Îranê nivîsandine jî hat parvekirin.
PJAK û KODAR´ê hîna şemiyê li dijî şehîdkirina Jîna Amînî bang li xelkê kirin da ku bi xurtî tevlî çalakî û xwepêşandanan bibe. Wan got, “Êşkence, girtin, bidarvekirin û kuştina jinan bûye karê rojane yê rejîma faşîst; heger civak pêşiya vê yekê negire, wê berdêla wê giran be."
NAVENDA NÛÇEYAN