Denîz Poyraz definkirin 

Cenazeyê Denîz Poyraz a di êrişa çekdarî ya li dijî avahiya Rêxistina Partiya Demokratîk a Gelan (HDP) ya Îzmîrê de hat qetilkirin, piştî merasîma saet 17.00’an a li Mizgefta Kadîfekaleyê, li Goristana Kaynaklar a Bûcayê tê definkirin.

Dema me nûçeya xwe amade dikir hê amadekariyên merasîmê dihatin kirin.  Hevserokên Giştî yên HDP’ê Pervîn Bûldan û Mîthat Sancar, endamên MYK û Meclîsa Partiyê, parlamenter û gelek kes beşdarên merasîmê ne

Hevserokên Giştî yê HDP’ê Pervîn Bûldan û Mîthat Sancar û şandeya li gel wan berî merasîma cenaze hatin avahiya Rêxistina HDP’ê ya Îzmîrê ku Denîz Poyraz lê hatibû qetilkirin. 
Hevberdevkên HDK’ê Cengîz Çîçek û Esengul Demîr, endamên MYK’a HDP’ê û siyasetmedarê kurd Sirri Sakik jî li gel hevserokan bûn. 

Sancar û Bûldan wêneyê Denîz Poyraz bi ber sukra xwe ve kirin. Hevserok li odeyên partiyê yek bi yek geriyan û der barê êrişê de agahî ji rêveberan wergirtin û qerenfîl danîn cihê Denîzê lê hatibû kuştin. 

MA/IZMÎR