Dema azadiya Rêber Apo ye

Parêzer Mustefa Şêx Mislim anî ziman ku banga Rêber Apo aştiyê ji tevahî Rojhilata Navîn re tîne û got, "Êdî dem hatiye Rêber Apo bi fîzîkî were berdan û Rêberê me vê pêvajoya aştiyê bi rê ve bibe."

Piştî banga Rêber Apo ya dîrokî ji aliyê PKK'ê ve gelek gav hatin avêtin, lê dewleta Tirk jî heta niha ji bilî avakirina komisyonan gaveke şênber neavêtiye. Di heman demê de tecrîd li Îmraliyê dewam dike û mafê hêviyê jî ji bo Rêber Apo nayê dayîn. Têkildarî vê yekê Parêzer Mustefa Şêx Mislim axivî û got, divê teqez û dimildest Rêber Apo bi fîzîkî azad bibe.

Dema azadiya Rêber Apo ye

Mustefa Şêx Mislim diyar kir ku bi banga Rêber Apo re herêma Rojhilata Navîn wê di nava aramiyê de be û got: "Mafekî me heye û divê li ser maseya diyalogê bê çareserkirin. Çawa me dît di dîrokê de gelek caran ji aliyê PKK'ê ve bangên aştiyê û rawestandina şer hatiye kirin, dewleta Tirk ew yek nepejirandiye. Gelê Kurd niha di qonaxeke gelekî xurt de ye, êdî em dixwazin aştî li seranserî Rojhilata Navîn bê kirin, ji ber ku çareserkirina mafê Kurdî aştiyê ji tevahî Rojhilata Navîn re jî tîne. Êdî dem hatiye Rêber Apo bi fîzîkî were berdan û Rêberê me vê pêvajoya aştiyê bi rê ve bibe."

ANF/CÛDÎ ÎBRAHÎM/KOBANÊ