Bi qedexeya PKK’ê demokrasiyê qedexe dikin

• Polêsê eyaletê yê Berlînê mafên demokratîk û azadiyê sereke qedexe kirin.

Polêsê eyaletê yê Berlînê mafên demokratîk û azadiyê sereke qedexe kirin. Polêsê eyaletê dibêje, aktîvîst U., bi hevpeyvînan, xwenêşandanên giştî û destûrwergritina ji bo xwepêşandanan, ji bo mafên Kurdan û çareseriya pirsgirêka Kurdistanê xebatê dike. Polês ji ber wê, ew weke kesekî/e bi tehlûke ji bo ewlekariya Elmanyayê sinifand. Li ser vê sinifandinê, meqamên eyaletê ji aktîvîstê Berlînî nasnameya wî stand û lê qedexe kir ku derkeve derveyî Elmanyayê. Sedema wê jî esas ew e ku U. ew kes e ku destûr ji bo xwepêşandana 27. Mijdara 2021´ê ya li dijî qedexekirina PKK´ê xwestiye. Armanc û şiyara xwepêşandanê wiha bû: “Qedexekirina PKK´ê betal bikin! Şerî bi dawî bikin, doza çareseriya siyasî bikin!” 

Kurt û Kurmancî, eyaleta Berlînê, demokrasî qedexe kir. 24´ê Çile bi nameyekê aktîvîst U. ji vê biryara xwe agahdar kir. Meqamê eyaleta Berlînê yê nîzamê, li ser lihevanîneke tehlûkeyê ya çêkirî ya polêsê eyaletê, ev biryar daye. Polês ji ber aktîvîteyên demokratîk, îdîa kir ku U. ji bo berjewendiyên ewlekariyê yên Elmanyaya Federal ên li derve û hundir tehlûke ye.
Beriya vê biryarê jî, polêsên sivîl kesên nêzî U. aciz kiribûn.

Xebatên demokratîk weke amadekariyên şidetê

Îdîaya polsan û meqamên eyaletê dibêjin, U. bi xebata xwe ya siyasî ewlekariya hundir û derve ya Komara Federal a Elmanyayê dixe tehlûkeyê. Vê tehlûkeyê jî dixe çarçoveya paragrafa 89a ya qanûna ceza ya Elman. Paragrafa 89a ya qanûna ceza ya Elman behsa “amadekariya sûcê bi şidetê” dike, ev sûc jî “giran” e û “ji dewletê re tehlûke ye.”

Ecêba ecêban jî ew e ku tiştên weke wergirtina destûra xwepêşandanan ku ji mafên sereke yên destûrî ne, weke delîl yan jî agahiyên li ser mirovan bar, tên nirxandin. Di meseleya çalakgeriya Kurdan de û ji bo xebatên piştgiriya bi Kurdan re ev yek ne îstîsna ye, berevajî wê qaîde ye.

Qedexekirina PKK’ê azadiya her kesî asteng dike

Ev destwerdana azadiyên sereke yên destûrî, xwe dawiya dawî disipêre qedexekirina xebata PKK´ê ya ji 1993´yan ve. Em li vir dibînin ku qedexekirina PKK´ê di heman de rê vedike li ber destwerdaneke muhtemel a li azadiyên sereke yên her kesê li Elmanyayê.  

BERLÎN