Ehmed Kenan hîn dema ku zarok bû behremendiya wî ya xêzkirin û wênesaziyê diyar bû, ku bûye navgîna derbirîna rastiya xwe ya civakî û çanda civaka xwe ya kurd.
Kenan xelkê bajarê Girkê Legê ye û berî 10 salan dema ku 8 salî bû dest bi karê hunerî kiriye. Wê hingê wî fêm kir ku tabloyên taybet in û ne weke yên hevalên wî yên dibistanê ne. Kenan têgihişt ku wênesaziyê ji dersa dibistanê wêdetir, hunerek rastîn e.
Kenan dibêje, "Ji zarokatiya xwe ve xêzkirin bûye azweriya min, min rêyek dît ku ez hest û ramanên xwe derbixim û ji ber vê yekê ez pir xebitî ku behremendiya xwe pêş bixim." Her wiha got, "Behremendî di cewherê mirovan de ye, lê ji bo pêşxistina wê û gihiştina armancan divê mirov kedê bide. Ez hîn di destpêka rêwîtiya xwe ya hunerî de me, û ez ê hewl bidim tabloyên ku çand û şaristaniya gelê me nîşan bidin, ligel urf û adetên ku civaka me ji hev nîşan didin, xêz bikim. "
Kenan ji bo nîşandana berhemên xwe yên hunerî li sûka bajarê Girgî Legê dikaneke biçûk vekir. Tabloyên hişmendiya mêr a ku jinan tepeser dike û bedewiya xwezayê nîşan didin. Wekî din, Ehmed Kenan li ser daxwaziya xelkê jî tabloyan nîgar dike, lewma hunera wî bûye çavkaniya sereke ya debara jiyanê.
Bi vî awayî Ehmed Kenan pêşxistina behremendiya xwe ya hunerî pêş dixe û dixwaze bi rêya tabloyên xwe dengê civaka kurdî ragihîne. Ew dibêje şêwekarî ne tenê şêweyek derbirînê ye, lê belê amûrek bihêz e ji bo bandor û guhertinê.”
ANHA/QAMIŞLO
