Berhema Dr. Marîf Xeznedar ya bi navê “Dîroka Wêjeya Kurdî” ji nav weşanên Saziya Zimanê Kurdî (SZK) û Weşanên Neqşê derket.
Berhema orîjînal bi şêwezarê Soranî, bi tîpên Erebî di sala 2001’an de ji nav weşanên Dezgeha Arasê ya Çap û Belavkirinê derketiye. Saziya Zimanê Kurdî li gel Weşanên Neqşê ev berhem wergerandiye şêwezarê Kurmancî. Berhem ji hêla van kesan ve hatiye wergerandin; Besam Mistefa, Ibrahîm Şadman, Mirad Mîlan, Sergul Areş û Ronya Çalî.
Berhema Dr. Marîf Xeznedar ji 7 bergan ango pirtûkan pêk tê. Di her bergekî de danerî behsa qonaxeke wêjeya Kurdî kiriye.
Naveroka bergan wiha ye;
Bergê yekem; ji destpêkê heta sedsala 14’an.
Bergê duyem; ji sedsala 14’an heta sedsala 18’an.
Bergê sêyem; nîvê yekem ê sedsala 19’an.
Bergê çarem; nîvê duyem ê sedsala 19’an û destpêka sedsala 20’an.
Bergê pençem; di navbera her du şerên yekem û duyem ên sedsala 20’an de.
Bergê şeşem; ji sala 1914’an heta sala 1945’an.
Bergê heftem; ji sala 1945’an heta sala 1975’an.
NAVENDA NÛÇEYAN
