AKP’ê lehî rakiriye

Yekşem 18 Îlon 2022 - 22:24

  • Wezareta Çandinî û Daristanan a Tirk bersiv da pêşnûmapirsê parlamentera Mûşê Şevîn Coşkun û got, berpirsê lêhiya li bajarokê Konûklar a Mûşê, şaredariya AKP’î ye. 

Wezareta Çandinî û Daristanan a Tirk bersiv da pêşnûmapirsê parlamentera Mûşê Şevîn Coşkun û got, berpirsê lêhiya li bajarokê Konûklar a Mûşê, şaredariya AKP’î ye. 

Di 28'ê Nîsanê û 16'ê Gulanê de li gundê Korpeagaç ê ser bi bajarokê Konuklar ê Mûşê, Rûbara Handepê boş bû û lehî rabû. Ji ber lehiyê, zeviyên çandiniyê yên gundiyan di bin avê de man û ziyaneke mezin gihişte wan.

Parlamentera Mûşê Şevîn Coşkûn li ser mijarê têkildarî mijarê di 20'ê gulanê de pêşnûma pirsek da Meclisa Tirk û xwest Wezîrê Çandinî û Daristanê yê Tirkiyeyê Vahît Kîrîşçî bersivê bide pirsan. 

Wezaretê bersiv da pirsên Coşkun û got, hêj ti xebata timarkirina Rûbara Handepê nehatiye kirin û sedema rabûna lêhiyan jî şaredariya AKP´yî ye. Wezaretê got, berpirsê vê yekê Şaredariya herêmî ye: “Ji ber ku menfezên bin rêyan ne li gorî pêwistiyê hatine çêkirin, lêhî rabûye. heger menfeze li gorî pêwistiyê ji nû ve bên çêkirin, careke din lêhî ranabe.”

ENQERE

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.