Di sala 2023’an de çend koleksiyoner serî li galeriya Viyanayê ya bi navê Wienerroither & Kohlbacher dan û portreyekî Gustav Klîmt nîşanî wan dan. Xwediyên galeriyê bi wan bawer nebûn û li wan ketin şibhê. Ji ber rewşa tablo pirr ne baş bû û li ser tablo qirêjî hebû û çarçoveya tablo xerab bû.
Xwediyên galeriyê Wienerroither & Kohlbacher ji bo piştrasbin ku tablo yê Gastav Klîmt e çûn serdana dîrokzanê hunerê yê bi navê Alfred Weidinger ku di sala 2007’an de kataloga hunermendan a bi navê Raisone hazir kirirbû. Piştî lêkolînên kûr biryar dan ku ev tabloyekî winda yê Gustav Klîmt e û nîşaneyên mîrasên wî li ser tablo hene.
Ev tabloyê winda (qederê 100 salan wida dimîne) yê Gustav Klîmt di derheqê prensê Gana William Nii Nortey Dowuona de ye. Yanî wî di vî tabloyê xwe de prensekî reşik teswîr kiriye. Kompozisyona di vî tabloyê de jî yek ji wan kompozisyonên xweşik, sade û bêdeng ên Klîmt in. Tablo bi desenên kulîlkan hatiye xemilandin ku yek ji wan temayên sereke yên wî ne.
Wan ji insanetiyê derxistin!
Ev portre çawa bi salan windayî ma? Klîmt di sala 1897’an de tablo temam dike. Tablo di sala 1923’an de li muzayedeya Samuel Kenda tê pêşkeşkirin. Lê nayê zanîn bê ka ev tablo li wir hatiye firotin an na. Paşê di sala 1928’an de Cihûyekî dewlemend ê Awistiryayî tablo ji bo pêşangehekê dikire. Li ji ber dijminahiya li ser cihûyan ji Ewrûpa direve Monacoyê. Ji wan salan heta îro ev tablo windayî ma û aqûbeta wî nedihat zanîn.
Di wan salan de Viyana weke muzeyekê bû ku malavaniyê ji berhemên dizî û talana mêhtingeran re dikir. Her wiha weke muzexaneyeke însanên kole yên Efrîkî jî kar dikir. Ji ber vê yekê ev tablo jî di bin tesîra têkilî û çalakiyên hunerî yên wî zemanî de maye.
Dîrokzana Londonî Marie Rodet di vî warî de van çespandinan dike; “İnsanên di van muze û pêşangehan de hatin teşhîrkirin, ji insanetiyê derxistin! Ew bi her awayî hatin bikaranîn û mêhtin. Ji bo serdestiya insanên spî nîşanî hemû xelkên dinyayê bidin her tiştî kirin.”
NAVENDA NÛÇEYAN
