Bi beşdariya 60 jin û ciwanên wênesaz û destrengîn, Pêşangeha Navnetewî ya Koma Wênesaziyê ya Kurdistan, bi sernavê ‘Aştî Hêviya Gelane’ li bajarê Silêmaniyê hate vekirin.
Li Otêl Dawa ya bajarê Silêmaniyê Pêşangeha Navnetewî ya Koma Wênesaziyê ya Kurdistan, bi sernavê ‘Aştî Hêviya Gelane’ li bajarê Silêmaniyê hate vekirin. Her wiha siyasetmedar, hunermend, wênesaz û jinên xwedî şiyan tevlî pêşangehê bûn. Pêşangehê bi tabloyên 55 wênesaz û pênc jinên destrengîn hate vekirin.
Rêveberê Koma Wenesaziyê ya Kurdistan Dara Dara di vekirina pêşangehê de axaftinek pêşkeş kir û got; “Tevî ku di vê serdemê de piştgiriya hunermendan nayê kirin, di rewşeke dijwar û zehmet de ne jî, lê tevî her tiştî jî em hewl didin şiyanên jinan û ciwanan derxin holê.”
Her wisa Dr. Rêkewt Reşîd jî di pêşangehê de axivî û got; “Em çiqas behsa zindîbûyîn û bedewiya bajarê Silêmaniyê bikin jî hêşta kême. Her wisa em xwe deyndarê van jinan û ciwanan dibînîn. Lewra em hêvî dikin çalakiyên hunerî û çandî yên bi vî şêweyî bidomin û şiyanên jin û ciwanên xwe yên jêhatî nîşanî her kesê bidin.”
ROJNEWS
parvê bike
Nûçeyên ku dikare bala we bikşîne
