Welatiyek şehîd kirin

• Di êrişa balafira bê mirov a bi çek a dagirkeriya Tirk a li dijî başûrê bajarê Kobanê de, welatiyê bi navê Ekrem Ustek şehîd bû.

Di êrişa balafira bê mirov a bi çek a dagirkeriya Tirk a li dijî başûrê bajarê Kobanê de, welatiyê bi navê Ekrem Ustek şehîd bû.

Doh danê sibehê balafireke bê mirov a bi çek a dewleta Tirk a dagirker, başûrê bajarê Kobanê û navenda bajêr kiribû hedef. Di êrişê de Ekrem Ustek ê ji Bakurê Kurdistanê şehîd bû. Ekrem Ustek sala 2014`an di dema êrişa çeteyên DAIŞ`ê ya li dijî Kobanê de bersiva banga seferberiyê dabû û berê xwe dabû Rojava.

Ekrem Ustek 50 salî bû, zewicî bû û bavê zarokan bû. Wî pirraniya jiyana xwe di xizmeta doza Kurdî û tevgera rizgariya Kurdistanê de bihurand.

Ekrem Ustek di salên 1990`î de 10 salan di hepsa dewleta Tirk a dagirker de ma. Her wiha lawekî wî di hepsa dewleta Tirk de tê ragirtin.

Cenazeyê Ekrem Ustek îro bi merasîmekê li Goristana Şehîd Dicle saet 14:00`an tê veşartin. 

ANHA/KOBANÊ