Konferansa navneteweyî ya Kurd a 18´an wê li avahiya Parlamena Ewrûpayê (EP) bi sernavê “Yekîtiya Ewrûpayê, Tirkiye, Rojhilata Navîn û Kurd” 6 û 7´ê Kanûnê ji bo cara 18´an bi rê ve biçe. Di konferansê de 8 rûniştin wê hebin û li konferansê wê wergera sîmultane bi Kurdî, Tirkî, Fransî, Ingilîzî û Elmanî hebe.
Rûniştina destpêkê wê 6´ê Kanûnê saet 16:00´an pêk were. Di vê rûniştinê de seroka Komîsyona Sivîl a Yekîtiya Ewrûpayê û Tirkiyeyê (EUTCC), profesora li zanîngeha Bergen a Norwêcê Kariane Westrheim, parlamentera PE´yê Evelyn Regner û serokê berê yê partiya Karker a Ingilîstanê Jeremy Corbyn wê bipeyivin.
Rûniştina duyem a wê rojê wê li ser Tirkiyeya piştî hilbijartina Gulanê be. Sekreterê giştî EUTCC yê profesor Michael Gunter, rojnamevan Îrfan Aktan, parlamentera HEDEP´ê Çiğdem Kiliçgun Uçar, nivîskar Asli Erdogan wê bipeyivin.
Yek ji rûniştinên roja duyem a konferansê, wê sîstema êşkence û tecrîdê ya Îmraliyê be. Ji Buroya Hiqûqê ya Sedsalê Raziye Ozturk, ji KURD-AKAD´ê Dêrsim Dagdeviren, hevberdevka Kampanyaya Azadî ji Ocalan re Rahsan Aksoy, endama Meclîsa Şaredariya Romayê Michela Ciculli wê di vê rûniştinê de bipeyivin.
Di rûniştina dawî ya konferansê de 7´ê Kanûnê êvarê wê bi pêşniyaz û minaqeşeyan, encamnameya konferansê bê eşkerekirin.
BRUKSEL
