SZK’yê ‘Zimannasîya Teorîk’ çap kir

Pirtûka "Zimannasîya Teorîk" ji nav weşanên SZK’yê derket.

Berhema “Zimannasîya Teorîk” a Ebdilselam Necmedîn û Şêrzad Sebrî Elî, ji nav weşanên Sazîya Zimanê Kurdî (SZK) derket. Ev berhem ku ji hêla SZK’yê ve hatîye latînîkirin, bi tîpên erebî (bi zaravayê behdînî) hatibû nivîsîn û sala 2011’an ji nav Weşanxaneya Spîrêzê derketibû. 

Di danasîna pirtûkê de ev tişt hatine gotin;

"Di ve pirtûkê da, tevî astên zimanî, şaxên zimannasîyê, mijarên mîna têgiha zimanî, erkên zimanî, guherîna zimanî, cudahîya zimannasîyê û rêzimana klasîk hatine şirovekirin. Di prosesa lêanînê da, me hewl daye ku vê berhemê li kurmancîya standart biguncînin, di alîyê ristesazî û ferhengê da, me hin guherîn pêk anîne, lê me hin tişt wekî ku di berhema resen de hatine, hiştine." 

Lêanîna pirtûkê ji hêla Ferhad Mûsa ve pêk hatiye.

NAVENDA NÛÇEYAN