Benedetto Demai weke hunermendekî Îtalyayî tim bala wî li ser malzemeyên ji rêzê yên rojane ye. Wî gelek xebatên bi vî rengî yên minîmalîst çêkirine. Ew hewl dide sînorê rastî û xeyalan têkilhev bike û bi şêwazên nû yên nîşandana tiştan dadikeve. Benedetto bi van xebatên xwe vê yekê ji me re dibêje; malzemeyên ji rêzê yên rojane her çiqas werin paşguhkirin jî ew bedewî û xweşikiyekê dihewînin yanî ew jî nesitêle ne.
Beneddeto Demai dide zanîn ku ew bi van xebatên xwe ji nû ve bi xwezayê re têkiliyekê çêdike û ev têkilî azadiyekê raberî wî dike. Her wiha ew îşaret bi tiştên sivik jî dike û dibêje, pêdiviya me insanan, niha bi malzemeyên sivik û mînîmal heye.
Benedetto Demai got; “Hin caran ez jî baş tênagihîjim bê ka çima van resman çêdikim. Dema li hin tiştan dihizirim yekser dibînim ku tiştek derketiye holê. Mekanîzamyên afirîneriyê yên veşartî û bi sêhr hene, ji lewma jî afirînerî her tim min matmayî dihêle.”
ROMA
