Serketina Sinn Feinê

• Di hilbijartinên parlamentoya Îrlanda Bakur de Sinn Feinê ji 90 kursiyan 27 kursî wergirt û bi vî rengî serketineke dîrokî bi dest xist.

Di hilbijartinên parlamentoya Îrlanda Bakur de Sinn Feinê ji 90 kursiyan 27 kursî wergirt û bi vî rengî serketineke dîrokî bi dest xist.

Gelê Îrlanda Bakur ji bo hilbijartina parlamentê deng da. Di encama dengdanê de Sinn Feinê 27 kursî bi dest xist û bû partiya yekemîn a serketî.

Di rêza duyemîn de jî Partiya Yekîtiya Demokratîk (Democratic Unionist Party-DUP) 24 kursî bi dest xist. Partiya Tifaqê (Alliance Party) jî bi 17 parlamenteran bû partiya sêyemîn.

Li gorî encamên hilbijartinê, li Îrlanda Bakur ji sala 1921'ê û vir ve ku weke dewleteke bi piraniya Protestanan ava bûye, Sinn Feinê yekemcar mafê wezîfeya serokwezîrtiyê bi dest xist.

Sinn Fein a bi pêşengiya Michelle O'Neill û Mary Lou McDonald dixwazin ku Îrlanda Bakur ji Qraliyeta Yekbûyî cihê bibe û bi Komara Îrlandayê re bibe yek.

Seroka Sinn Feinê O'Neill di axaftina xwe ya destpêkê de ya li ser hilbijartinê got, "Ev yek hilbijartineke rasteqîn a guhertinê ye" û diyar kir, "Ji bo polîtîkaya me û gelê me kêliyeke diyarker e."

NAVENDA NÛÇEYAN