Sedrî çûn keysbaziyê dest pê kir

Çarşem 15 Hezîran 2022 - 01:35

Piştî ku parlamenterên Bereya Sedr bi hev re îstîfa kir, Hevpeymana Hemahengî keysa xwe li hewldanên avakirina hikûmeteke hemû aliyan bihewîne anî. Li Bexdayê Çarçoveya Hemahengî, YNK û Hevpeymana Ezim civiyan û piştrast kirin ku ew ê hewl bidin hikûmeta nû bi tevlîbûna hemû aliyan bi ser bixin.

Li Bexdayê, şandeya Yekîtiya Nîştimaniya Kurdistanê (YNK) bi serokatiya Bafil Talebanî, Çarçoveya Hemahengî bi serokatiya Nurî Malikî û Hevpeymana Ezim bi serokatiya Musenna Sameranî civiyan.

Piştî hevdîtinê, Çarçoveya Hemahengî daxuyanî da û ragihand ku li gel YNK û Hevpeyamana Ezim, wan xwestiye hilbijartina serokkomar û avakirina hikûmetê zû pêk were.

Di daxuyaniyê dehat gotin: “Beşdarên civînê destnîşan kir ku qonaxa bê girîng e û pêwîst e ji bo gavên hilbijartina serokkomar û  avakirina hikûmetê de lez were kirin. Heta ku hêza pêkanîna daxwazên Iraqiyan hebe. Jiyaneke bi rûmet û xizmetguzarî, ewlehî û aramî ji bo me hemûnan pêk were.”

BEXDA

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.