Şedadê şehîdê xwe spart axê

• Xelk li pêşiya Meclisa Malbatên Şehîdan a Hesekê kom bû û bi karwanekî ji dehan erebeyan ber bi goristana şehîdan a navçeya Şedadê ve bi rê ketin.

Xelkê navçeya Şedadê û gundên wê, cenazeyê şervan Elî Casim El Mislet ê ku dema erka xwe ya leşkerî pêk dianî di êrişa balafirên keşfê yên dagirkeriya Tirk de şehîd bûbû, li goristana şehîdan a navçeyê spart axê.

Xelk li pêşiya Meclisa Malbatên Şehîdan a Hesekê kom bû û bi karwanekî ji dehan erebeyan ber bi goristana şehîdan a navçeya Şedadê ve bi rê ketin.

Li goristanê, şervanên Erka Xweparastinê merasîmeke leşkerî kir. Piştre endamê Meclisa Malbatên Şehîdan Ebdulmecîd Ebdullah sersaxî da malbata şehîdî û got, “Şehîdên me di oxira azadî û rûmeta gelê Bakur û Rojhilatê Sûriyê de xwe feda kirin. Şehîd fermandarên me ne, em fedekariyên wan ji bîr nakin. Em soz didin ku heta pêkanîna serketinê em ê li ser şopa wan bin.”

Ji fermandarên Hêzên Erka Xweparastinê Ebdulhemîd Hesekê jî got, “Dewleta Tirk a dagirker bi balafirên bêmirov ên biçek û bi armanca têkbirina aramî û îstiqrara herêmê, her wiha ji bo têkbirina Rêveberiya Xweser, sivîl û leşkerên li Bakur û Rojhilatê Sûriyê hedef digire. Lê ev rêbaz dê israra berxwedan û serketinê ya şervanên QSD`ê kêm neke.”

Piştre wesîqeya şehadetê hat xwendin û radestî malbatê hat kirin. 

ANHA/HESEKÊ