Roja şemiyê 13 kes hatin darvekirin

Li gorî HRANA’yê, rejîma Îranê di roja şemiyê de li bajarên cuda herî kêm 13 kes darve kir.

Li gorî agahiyên Human Rights Activists News Agency’ê (HRANA); di roja şemiyê de li bajarên cuda yên Îranê herî kêm 13 kes hatin darvekirin. Hat ragihandin ku ev darvekirin li bajarên Horremabad, Senendec, Dezful, Aligudarz, Kirmaşan, Yasuc, Nehavend, Zahidan, Hemedan û Girtîgeha Navendî ya Karajê ya li Tehranê pêk hatine.

HRANA’yê, da zanîn ku ev darvekirin parçeyeke polîtîkaya înfazkirinê ya rejîma Îranê ya demên dawî ye. Li gorî daneyên rêxistinê; ji 1’ê Çileya 2025’an heta 1’ê Çileya 2026’an li Îranê herî kêm 2 hezar û 63 kes hatin darvekirin. Ev hejmar nîşan dide ku rêjeya darvekirinên li Îranê li gorî par ji sedî 119 zêde bûye.

NAVENDA NÛÇEYAN