Pê li ciwanekî din kirin

Li navçeya Colemêrgê Geverê, wesayîteke zirxî ya polêsên dagirkeriya Tirk li ciwanekî xist. H.A. yê 17 salî bi giranî birîndar bû.

Li gorî agahiyan, wesayîta bi tîpa Ranger a polêsan li Geverê li H.A. yê 17 salî xist.

Ciwanê bi giranî birîndar bû, rakirin Nexweşxaneya Dewletê ya Colemêrgê. Ji ber rewşa wî giran e, ew rakirin Nexweşxaneya Lêkolîn û Perwerdeyê ya Wanê.

Wesayitên zirxî yên dewleta Tirk li bajarên Kurdan gefeke mezin e. Li gorî Komeleya Mafên Mirovan di navbera salên 2008 û 2021'ê de di nava 13 salan de 42 kes bi wesayîtên zirxî hatin qetilkirin û 20 ji wan zarok bûn.

COLEMÊRG