Navê Jîna Amînî li Îtalyayê

Li bajarê Lîvorno yê Îtalyayê bi wesîleya 25’ê Mijdarê Roja Têkoşîna li dijî Tundiya li ser Jinê, navê Jîna Amînî, li çerxerêya li Via del Risorgimento û Via Don Bosco hate kirin. Di peyamên li merasîmê hatin dayîn de, hate diyarkirin ku divê her kes ji bo afirandina civakeke adil, berpirsyarî bigire ser xwe.

Nûnerên Heyva Sor a Kurdistanê jî beşdarî merasîmê bûn û gotin:“Em spasiya Şaredariya Lîvorno, Şaredar Luca Salvetti û her kesê ku keda wî/ê di vê yekê de heye, dikin. Em ê piştgiriya xwe ya ji bo her hewldana azadî, edalet û xwedî derketina li mafên mirovan, bidomînin.”

ANF/LÎVORNO