Mêtingeheke nû li Efrînê 

Dewleta Tirk a dagirker li navçeya Şera ya Efrînê, avahiyên din ên mêtingehan ava dike.

Li gorî agahiyên ji çavkaniyên ji Efrînê, dewleta Tirk a dagirker bi desteka ′Rêxistina Sewasiye′ û ′Saziya Navneteweyî ya Civakî û Piştgiriya Mirovan (SDI)′ li gundê Kefer Romê yê navçeya Şera bi navê ′Ehl El-Xeyr′ avahiyên nû ya mêtingehekê ava dike.

Çavkaniyê anî ziman ku piştî darên li daristana gundê Kefer Romê ji hêla çeteyên Sultan Murad ên ser bi artêşa Tirk a dagirker ve hatin birrîn, avahî tên avakirin.

Çavkaniyê ragihand ku hejmareke mezin a xaniyên li wê avahiyê, ji bo malbatên çeteyên Sultan Murad hatine veqetandin.

Ji dema dagirkirina Efrînê di Adara 2018′an de ji hêla dewleta Tirk a dagirker ve, nêzî 30 mêtingeh ji bo bicihkirina malbatên çeteyan û biyaniyên ji herêmên din ên Sûriyeyê, hatine avakirin.

Dewleta Tirk a dagirker li kantona Efrînê guhertina demografîk pêk tîne û di demên dawîn de jî penaberên Sûriyeyî yên li Tirkiyeyê bi darê zorê tîne û li herêmên Sûriyeyê yên dibin dagirkeriya xwe de bi cih dike.

ANHA/ŞEHBA