Mamostayê olî kirin nezaretê

Roja Yekşemê ango 27’ê Tebaxê, mamostayê olî yê Kurd yê bi navê “Mamosta Mihemed Şerîfî” temen 37 salî, xelkê Bokanê ji aliyê hêzên rejîma Îranê ve hat binçavkirin û ew birin cihekî nediyar.

Li gorî çavkaniyeke ku ji Kurdpayê re ragehandiye, hêzên rejîmê bêyî belgeyeke dadgehê bi ser mala mela de girtin û piştî şikandina derî û pencereyên mala wî, ew binçav kirin.

Vê çavkaniya haydar diyar kir: Hêzên rejîmê piştî lêgerîna mala mamostayê olî, dest danîn ser laptopa wî, telefona hevjîna wî, kameraya CCTV û pirtûkên wî û bi xwe re birin. Di derbarê sedem û sûcdarkirina mamosta Mihemed Şerîfî de ti agahî nehatine bidestxistin.

KURDPA