Malbatên şervananan di çalakiyê de ne

Malbatên Şervanên YBŞ’ê yên ji aliyê artêşa Iraqê ve hatine dîlgirtin, ji bo berdana şervanên xwe li ber Navenda Îstixbaratê ya Iraqê ya li navenda Şengalê dest bi çalakiya rûniştinê kirin.

Di 18’ê Adarê de, dema şervanên YBŞ’ê li ser erka xwe ya parastinê bûn, li navenda Şengalê ketin kemîna hêzên artêşa Iraqê. Di encamê de pevçûn derket û 5 endamên YBŞ’ê bi birîndarî ketin destê artêşa Iraqê. Ruxmê çalakî, bangewaziya aliyên siyasî, civakî, oldar û serokeşîrên Şengalê, lê heya niha endamên YBŞ’ê nehatine berdan. Ji bo aqûbeta zarokên xwe bizanibin, dayikên şervanan liber navenda Îstîxbarata Iraqê ya li Şengalê çalakiya rûniştinê dan destpêkirin. Dayîkan di çalakiya xwe de posterên ‘Em tu carî zilma hêkûmetê ser xwe qebûl nakin. Heya zarokên me neyên berdan, em dest ji çalakiya xwe bernadin’ li ser nivîsandî rakirine. Malbatên ku xwestin şervan bên berdan, roja 30’ê Adarê ji bo zexta navneteweyî li ser Bexda were kirin, name ji Neteweyên Yekbûyî (NY), Yekîtiya Ewropayê (YE) û 14 dewletên ku fermana 74’an weke qirkirin qebûl kirine, şandin.

NAVENDA NÛÇEYAN