- Nivîsgeha Jinên Ciwan a Desteya Ciwan û Werzîşê ya Bakur û Rojhilatê Sûriyê bi dirûşmeya "Bi destê jinên ciwan em niha û pêşerojê ava dikin" şevbihêrkeke helbestan li dar xist.
Nivîsgeha Jinên Ciwan a Desteya Ciwan û Werzîşê ya Bakur û Rojhilatê Sûriyê bi dirûşmeya "Bi destê jinên ciwan em niha û pêşerojê ava dikin" şevbihêrkeke helbestan li dar xist.
Nûnerên Rêveberiya Sivîl a Demokratîk a herêma Tebqa, saziyên leşkerî, partiyên siyasî, ciwanên şoreşger û bi sedan şêniyên bajêr beşdarî şevbihêrkê bûn ku li pêşiya navenda çand û huner a Tebqayê hate lidarxistin.
Destpêkê Hevseroka Yekitiya Werzîşê Şeza El-Hisên bixêrhatina beşdaran kir.
Paşê, Seroka Nivîsgeha Jinên Ciwan a Desteya Ciwan û Werzîşê Emîne El-Mihemed lidarxistina şevbihêrkê pîroz kir û got, "Armanca lidarxistina vê çalakiyê ew e ku rola jinan bidin nîşan. Em bi destê jinan niha û pêşerojê ava dikin."
Emîne El-Mihemed îşaret bi rola jinan di avakirina civaka demokratîk de kir û got, divê mafên jinan werin misogerkirin da ku karibin hêz û karînên xwe di civakê de îfade bikin.
Paşê helbestvan Bidûr El-Hecer û Ibtîsam El-Mihemed ji Dêrazorê, Medya El-Silêman ji Reqa, Nara Bekî û Telînaz Elî û Hêvî Mistefa ji Kobanê, Meryem Şerîf, Buşa Mensûr û Bitûl El-Elî ji Tebqa, Heya El-Mihemed ji Minbicê helbest xwendin.
Di dawiyê de beşdar ji aliyê Nivîsgeha Jinên Ciwan a Desteya Ciwan û Werzîşê ya Bakur û Rojhilatê Sûriyê ve hatin xelatkirin.
ANHA/TEBQA
