Li Sûrê şahiya zarokan

Nûçeyên Çand/Huner

În 19 Mijdar 2021 - 23:14

  • MED-DER û Komeleya Çand û Huner a Dîcleyê ji bo zarokan şahî li dar xist û bal bire ser girîngiya zimanê dayikê. 

MED-DER û Komeleya Çand û Huner a Dîcleyê ji bo zarokan şahî li dar xist û bal bire ser girîngiya zimanê dayikê. 

Komeleya Lêkolînên Çand û Zimanên Mezopotamyayê (MED-DER) û Komeleya Çand û Huner a Dîcleyê, di çarçoveya kampanyaya ji bo ku zimanê Kurdî bibe zimanê fermî û yê perwerdehiyê de, li taxa Abdal Dede ya navçeya Sûrê ya Amedê şahiya zarokan li dar xistin. 

Di şahiyê de resm hatin xêzkirin û serçavên zarokan hatin boyaxkirin. Bi armanca xwedî derketina li zimanê dayikê, alfabeya Kurdî li ser dep hat nivîsandin û fêrî zarokan hat kirin. 

Her wiha di şahiyê de li ber erbaneyan kilam hatin gotin û govend hat gerandin. Zarokan di şahiyê de bi dilê xwe kêf kir. 

Piştre pirtûka Destpêka Kurdî, pirtûka boyaxê û tîma boyaxê li zarokan hatin belavkirin û şahî hat bidawîkirin.

MA/AMED

parvê bike

   

Yeni Özgür Politika

© Copyright 2021 Yeni Özgür Politika | Mafên belavkirinê parastî ne.