Li Stenbolê dîwana denbêjan

Nûçeyên Çand/Huner

Sêşem 24 Çile 2023 - 02:39

Li Kadikoya Stenbolê dîwana dengbêjan hat danîn û dengbêjan bi kilaman êş û azara gelê Kurd anîn ziman. 

Komeleya Çand û Pêşvebirina Civakî ya Navçeyên Gêxî, Dep, Azarpêrt, Xorxol û Çêrmê (KAYY-DER) li avahiya komeleya xwe ya li Kadikoya Stenbolê di çarçoveya şahiyên çand û huner de “Dîwana Dengbêjan” saz kir. Gelek kes tev li şevbihêrka dengbêjan bûn. 

Hevserokên KAYY-DER’ê Ahmet Tuzun û Bîlsen Ozdoğan malavahiya mêvanên xwe kir û got, armanca wan xwedîderketina li çanda Kurd e û bi vê yekê pêşî li polîtîkayên bişaftinê bigirin. 

Dengbêj Sîdar Ortanûr, Xalê Rustem, Nesrîn Arîn, Mîr Elî Savaş, Dogan Gok û Mustafa Korkmaz kilamên cur bi cur gotin. Dengbêjan ewilî strana “mêvan” got û paşê bi dorê kilam gotin. Hunermend Sefer Tunç û Alîcan Bîlgîn jî stran gotin.

MA/STENBOL

parvê bike

   

Yeni Özgür Politika

© Copyright 2023 Yeni Özgür Politika | Mafên belavkirinê parastî ne.