- Navenda Cemîl Horo ya Çand û Huner a taxa Şêxmeqsûd bi dirûşma “Hunerê resen parastina nasnameya gelan e”, şevbihêrkek li dar xist.
Navenda Cemîl Horo ya Çand û Huner a taxa Şêxmeqsûd bi dirûşma “Hunerê resen parastina nasnameya gelan e”, şevbihêrkek li dar xist.
Şevbihêrk li herêma Cibênat a rojhilatê taxa Şêxmeqsûd a li Helebê li dar ket. Bi sedan kes, endamên saziyên sivîl û partî tevlî şevbihêrkê bûn. Di destpêkê de endamê Navenda Cemîl Horo ya Çand û Huner Ridwan Agirî axivî û îşaret bi pêwîstiya parastina çand û huner kir.
Ridwan Agirî her wiha êriş û gefên dagirkeriya Tirk li ser herêmên Bakur û Rojhilatê Sûriyê şermezar kir û bang li gelên herêmê kir da ku ax û çanda xwe biparêzin.
Paşê, Koma Agirî û Koma Çiyayên Kurmênc stranên bi Erebî û Kurdî gotin. Stranbêj Elî Dawud û Ebdurehman Çawîş stran ji çanda Efrînê gotin. Di dawiya şevbihêrkê de xelkê govend li ber stranên Efrînî gerand.
ANHA/HELEB
