Li Cizîrê şevbuhêrka helbestan

Nûçeyên Çand/Huner

Pêncşem 10 Hezîran 2021 - 04:25

Yekitiya Rewşenbîran a Herêma Cizîrê şevbuhêrkeke helbestê û huner ji helbestvan Lorî Tildarî û gelek hunermendan re li dar xist. Helbestvan Lorî Tildarî wekî din hat xelatkirin jî.

Li Navenda Dicle ya Çand û Huner a Dêrikê, bi beşdariya bi dehan kesan, gelek helbestvan û hunermendan şevbuhêrkek hat lidarxistin.

Destpêkê helbestvan Lorî Tildarî gelek helbestên li ser jiyan, welat û berxwedanê xwendin.

Hunermend Şadî Tildarî, Mihdî Hisên, Mistefa Hesen û Ridwan Cizîrî stranên folklorî û şoreşgerî pêşkêş kirin. Piştî xwendina helbestan û gotina stranan, endamê Yekitiya Rewşenbîran a Herêma Cizîrê Biradost Mîtanî, xelata rûmetê da helbestvan Lorî Tildarî.
Mîtanî destnîşan kir ku armanca wan ew e ku tevahiya helbestvan û hunermendan li ser xebatên wan ên welatparêzî û çandî xelat bikin.

Mîtanî li dawiyê got, ew dê piştevaniya tevahiya hunermend û helbestvanan bikin da ku rêça xwe ya hunerî temam bikin û parastina çanda Kurd bikin ku ji hêla gelek dewlet û rejîman ve hedef tê kirin.

ANHA/QAMIŞLO

 

parvê bike

   

Yeni Özgür Politika

© Copyright 2021 Yeni Özgür Politika | Mafên belavkirinê parastî ne.