HRE’yê 2 endamên MÎT’ê kuştin

Duşem 17 Gulan 2021 - 03:03

Hêzên Rizgariya Efrînê (HRE) ragihand ku di çalakiyên wan ên li navçeya Şêrawa ya Efrînê de wan 2 endamên MÎT’a dewleta Tirk, leşkerekî artêşa Tirk û çeteyekî wê kuştiye. 

HRE´yê têkildarî 2 çalakiyên xwe yên 10’ê Gulanê yên li dijî dagirkeriya dewleta Tirk û çeteyên wê yên li Efrînê daxuyaniyek da. HRE’yê di daxuyaniya xwe de got, “Li herêma Şêrawa li hember dagirkeran 2 çalakî hatin lidarxistin.

Çalakiya yekem li nêzî gundê Cilbirê li hember baregeheke artêşa Tirk a dagirker hat lidarxistin. Di vê çalakiyê de leşkerek hat kuştin. 

Çalakiya duyem, piştî nîvrojê saet di 16:00’an de li nêzî gundê Beradê hat lidarxistin. Dema leşker, çete û endamên MÎT’ê kom bûbûn, hêzên me li hember wan çalakiyeke sabotajê li dar xist. Di encama vê çalakiyê de jî çeteyek û 2 endamên MÎTê hatin kuştin, 2 endamên MÎT’ê jî birîndar bûn.”

NAVENDA NÛÇEYAN

parvê bike

   

Yeni Özgür Politika

© Copyright 2021 Yeni Özgür Politika | Mafên belavkirinê parastî ne.