Nivîskarê Kurd ê ji Rojhilat, Behrouz Boochani (Behrûz Boçanî) îna bihurî li Berlînê bû. Saziya bi navê “Refugio Berlîn” li Berlînê paneleke bi navê “Berxwedan, wêje û huner” li dar xist û gelek Kurd tevlî panelê bûn. Panel bi zimanê Kurdî hat lidarxistin û Schilan Kurdpoor (Şîlan Kurdpûr) panel bi rê ve bir.
Behrouz Boochanî pirranî li ser mijarên nasname, kolonyalîzm û asîmîlasyonê axivî.
Behrouz Boochanî got; “Asîmîlasyon, projeyeke siyasî ya desthilatdariyê ye. Her tişta pozîtîf ji mêjiyê mirov derdixîne, tiştên xirab li şûna wan diçîne. Asîmîlebûn ne tenê ew e ku meriv bi zimanê xwe nizanibe, a herî metirsîdar ew e ku hizr û bîra mirov hatibe asîmîlekirin.”
Bêhrûz Boçanî ji bajarê Îlamê yê Rojhilatê Kurdistanê ye û niha li Zelandaya Nû penaber e. Ew bêhtir bi pirtûka “No Friend But the Mountains / Ji bilî çiyayan ti dost nînin” tê naskirin.
BERLÎN
