Hilbijartin vîna Sûriyeyiyan nîşan nadin

Rêveberiya Xweseriya Demokratîk diyar kir ku hilbijartinên ku hikumeta veguhêz a Sûriyeyê amadekariyên wan dike, ne demokratîk in û bi tu awayî vîna Sûriyeyiyan nîşan nadin.

Rêveberiya Xweseriya Demokratîk a Herêma Bakur û Rojhilatê Sûriyeyê der barê qaşo" hilbijartinên parlamentoyê" ku hikumeta veguhêz a Sûriyeyê amadekariyên ldiarxistina wan di Îlona bê de dike de daxuyaniyek da.

Berfirehiya daxuyaniyê wiha ye:

"Lidarxistina qaşo hilbijartinan di vê demê de dûrxistina nîvê Sûrîyeyiyan ji vê proseyê ye, çi bi rêya koçberiya bi darê zorê be, çi jî bi rêya polîtîkayên sîstematîk ên ku armanc dikin pêşî li beşdarbûna hemû pêkhate û hêzên çalak di şekildana pêşeroja welêt de be, bigirin. Ev dûrxistin bi serê xwe delîleke biguman e ku qaşo hilbijartin gaveke şeklî ne û bersiva daxwazên çareseriya siyasî ya berfireh ku pêdiviya Sûriyeyan e, nadin.

Em wek beşek yekgirtî ya Sûriyeyê û gelê wê ne, em her tedbîr an biryarek ku bi zihniyetek yekalî ku qurbanî û mafên rewa yên hemû pêkhateyan paşguh dike, red dikin. Em ê bi pêkanîna tu biryareke ku di çarçoveya vê rêbaza dûrxistinê de hatiye dayîn re eleqedar nebin û em ê van hilbijartinan wekî girêdayê gel û herêmên Bakur û Rojhilatê Sûriyeyê ne, nebînin. Em bang li civata navneteweyî û Neteweyên Yekbûyî dikin ku van hilbijartinan, ku bi biryara 2254 ‘re nakok in, nas nekin."

NAVENDA NÛÇEYAN