Hêza xelata xo ya 6ine girewte

Nûçeyên Çand/Huner

Duşem 25 Tîrmeh 2022 - 17:12

Belgefîlma Hêza Festîvalê Fîlmî yê SicilyAmbienseyî de xelata Heqanê Merdiman a Rêxistina Efî ya Mîyanneteweyî girewte.

Festîvalê Fîlmî yê SicilyAmbienseyî emser reya 14ine virazîya. Festîval mabênê 11-16ê Temûze de Sîcîlya de ame viraştene. Festîvalî de 35 fîlmî ca girewtê. Bê ramojnayîşê fîlman, semîner û panelî zî ameyê dayene. Perê jurîyê festîvalî cinîyî bî. Xelata Fîlmê tewr başî, belgefîlma tewre başe, xelata heqê merdiman û xelata derûdorî ameyê dayene.

‘Xelate yê xoverdayoxanê şerê vera Daîşî ya’

Belgefîlma Hêza, Festîvalê Fîlmî yê SicilyAmbienseyî de xelata Heqanê Merdiman a Rêxistina Efî ya Mîyanneteweyî girewte. Xelate bi nameyê ekîba belgesele hetê viraştox Afat Bazî ra ameye girewtiş. Afat Bazî va, “Na xelate yê xoverdayox û şehîdanê şerê vera Daîşî ya.”

Xelata Amnesty Internationalî

Amnesty International dezgeyêka komela sîvîle ya heqanê merdiman a. 2 mîlyon endamê xo û 5 mîlyon zî aktîvîstê xo estê. Xelata Amnesty Internationalî warê heqanê merdiman de xelatêka tewre prestijin a. Belgefîlma Hêza bi na xelate, xelata xo ya 6ine girewte.

ANF

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.