Gava mirov çav pê dikeve, tevî lepikên pîşesaziyê, kîsê hesinkarî û berçavkên lehîmkeran, mirov dibêje li kargeheke hesinkariyê kar dike. Lê ev jina Kanadayî hunermendeke taybet e. Em behsa Cal Lane dikin ku ew ji bermahiyên pîşesaziyê, yên weke bermîlên kevin, bêrên kevin yên ji hesin û pola berhemên hunerî çêdike.
Ew sala 1968´an hatiye dinê, li Halifax a eyaleta Nova Scotiayê. Ew li Girava Vancouver mezin bûye. Ew pêşî bûye kuafor û paşê jî lehimkera hesin û pola. Piştre li Zanîngeha Nova Scotia ya Huner û Dîzaynê û li Zanîngeha New Yorkê xwendiye.
Ew agiravêjeke oksîjenê dibirre, bi kar tîne. Li ser lewheyên ji hesin û pola nîşan û mestereyên xemlê yên weke li ser xalîçeyekê derdikevin holê. Di berheman de ew dualîbûnê, xasma jî kontrastê çêdike. Jixwe kontrasta wê ya sereke tercîha wê ya hesin û polayên pêşesaziyê ye. Yanî medeyeke hişk, saxlem û xemla narîniya mestereyên bedew ji hunerên din ên bedew, bi tena serê xwe vê dualîbûnê ava dikin.
Berhemên wê heta îro li gelek cih, galerî û muzeyan hatine nîşandan.
NAVENDA NÛÇEYAN
