Gever de vera ‘şer û îşxalî’ rayîrşîyayîşêk

• Gever de bi rayberîya DTK, TJA, DBP Û HDPyî vera ‘şer û îşxalî’ rayîrşîyayîşêk ame kerdene.

Gever de bi rayberîya DTK, TJA, DBP û HDPyî vera ‘şer û îşxalî’ rayîrşîyayîşêk ame kerdene. Hemsekerê DTKyî Berdan Ozturk, Hemserekê DBPyî Keskîn Bayindir û parlamentere HDPyî zî bîyê beşdarê rayîrşîyayîşî. Hetê polîsan ra malûmatê çapemenîye ame ame astengkerdiş.

Şar hetê polîsan ra Cehdeyê Cengîz Topelî de gêrîya ablûka. Polîsan waşt bi qerarê qedexeyê walîtîye rayîrşîyayîşî asteng bikerê. Şar vera astengîyan vengê xo berz kerd û demêk ra dima girse ver bi awanîya HDPyî kewt raye. Rayîrşîyayîş vernîyê awanîya HDPyî de qedîya.

‘Şer meseleyan çareser nêkeno’

Kesê ke seba rayîrşîyayîşî Colemêrg ra kewtibî raye, nixtaya polîsan a Depînî de ameyê astenkerdiş. Hetê girseyî ra tîya de malûmatêk ame dayene. Tîya de wekîlê HDPyî yê Agirîyî Abbullah Koçî qisey kerd û va, “Îqtîdarê AKP-MHPyî her çî visto teng. Ma kerdenanê înan qebul nêkenê. 40 serrî yo ke şerêk esto. Bin ê şerî meseleyi çareser nêbenê. Coka ma şer ney haştîye wazenê. Ma wazenê prosesê haştîye bêro awankerdiş.”

MA / COLEMÊRG