Partiya muxalefeta sereke ya li Ingilîstanê Partiya Karker (The Labour) konferansa xwe ya salane li dar dixe. Konferans li bajarê Brightonê dewam dike. Di civînên di çarçoveya konferansê de hefteya bihurî çalakiyên piştgiriya bi Rojava, Rojhilat û beşên din ên Kurdistanê re hatin lidarxistin. Doh jî di çarçoveya kampanyaya sendîkayan a Azadî ji bo Ocalan de rûniştinek hat lidarxistin û bang hat kirin da ku Rêber Abdullah Ocalan tavilê bê berdan.
Hevserokê Kampanyaya Azadî ji Ocalan re a Sendîkayan, Simon Dubbins civîn bi rê ve bir. Baroness Christine Blowers, parlamenter û serokê Koma Dostaniya bi Kurdan re ya Parlamenê Lloyd Russell Moyle, parlamenterê Sinn Feinê Chris Hazard û hevserok meclîsa Gel a Kurd a li Brîtanyayê Elîf Sarican û parlamenterê HDP’ê Hisyar Ozsoy di civînê de peyivîn. Di axafinan de hat gotin, heta ku Ocalan azad nebe, li herêmê aştî, azadî û demokrasî bi cih nabe.
Hevserokên Kampanyaya Azadî ji Ocalan re ya sendîkayan Simon Dubbins û Christine Blowers jî bang kirin da ku Ocalan bê azadkirin û wan got, ew ê xebatên xwe yên piştgiriyê xurt û zêde bikin.
BRIGHTON
