Di 7 salan de 4 hezar êrişên dewleta Tirk

Duşem 26 Îlon 2022 - 02:20

Hevpeymaniya Navneteweyî ya Civaka Sivîl a ser bi Neteweyên Yekbûyî (ICCS) ragihand ku dewleta Tirk ji Tebaxa sala 2015’an heta Kanûna 2021’an zêdetirî 4 hezar êriş birine ser xaka Herêma Kurdistanê.

Hevpeymaniya Navneteweyî ya Civaka Sivîl a ser bi Neteweyên Yekbûyî (ICCS) di çarçoveya kampanyaya, “Dawî li bombebarana dersînor bînin” raporek weşand.

Li gorî raporê, dewleta Tirk ji Tebaxa sala 2015’an heta Kanûna 2021’an zêdetirî 4 hezar êrişan birine ser xaka Herêma Kurdistanê.

Tenê di sala 2021’ê de hezar û 600 êriş kirine. Tê gotin ku di van êrişan de 123 sivîlan canê xwe ji dest daye û 161 kes jî birîndar bûne.

Di raporê de tê gotin, artêşa Tirkiyeyê 4 êrişên hewayî birine ser Wargeha Penaberan a Şehîd Rûstem Cudî (Mexmûrê). Lê ev dane yên heta Kanûna 2021´ê ne.

NAVENDA NÛÇEYAN 

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.