DEM Partiyê serdana Sîlîvriyê kir

Hevserokên Giştî yên DEM Partiyê Tulay Hatîmogûllari û Tuncer Bakirhan bi rojeva çareseriya demokratîk a pirsgirêka Kurd, çûn serdana girtiyên siyasî yên li Girtîgeha Marmarayê. 

Hevserokên Giştî yên Partiya Wekhevî û Demokrasiyê ya Gelan (DEM Partî) Tulay Hatîmogûllari û Tuncer Bakirhan û Cîgirê Hevserokên Giştî yê ji Rêveberên Herêmî Berpirsyar Mehmet Ruştu Tiryakî, bi rojeva çareseriya demokratîk û aştiyane ya pirsgirêka Kurd, çûn serdana girtiyên siyasî yên li Girtîgeha Marmarayê. 

Şandeyê bi Şaredarê Bajarê Mezin ê Stenbolê Ekrem Îmamoglû, Hevşaredarê Bajarê Mezin ê Wanê yê berê Bekir Kaya, Şaredarê Esenyurtê Ahmet Ozer, Şaredarê Şîşliyê Resûl Emrah Şahan, Wekîlê TÎP’ê yê Hatayê Can Atalay û rojnameger Ercument Akdenîz, Halîl Aksoy, Nesîmî Aday û Ahmet Saymadî re hevdîtin kir. 

 Hevdîtin têkildarî pêvajoya çareseriya pirsgirêka Kurd a li ser zemîna demokratîk hat kirin. 

NAVENDA NÛÇEYAN