Şaredariya Farqînê starta çalakiyên Serê Gulanê da û banga xwedîderketina li çand û ziman li tevahiya gel hate kirin.
Şaredariya Farqînê ya Amedê bi daxuyaniyekê starta “Şahiyên Serê Gulanê” da. Daxuyanî, li Eywana Konferansan a Şaredariyê hate dayin. Hevşaredar Kadrî Esen di civînê de axivî û got: “Bi sedan sala ye Serê Gulanê tê pîrozkirin. Di dema qeyûman de şaredariyê weke bername li dar nedixist. Em ê Serê Gulanê bi bernameyên taybet pîroz bikin. Bernameya me ya ji bo pîrozbahiyên 13-14’ê Gulanê zelal bû. Em bang li tevahiya gelê Farqînê dikin ku xwedî li dîrok, çand û zimanê xwe derkevin.”
Hevşaredar Sevîm Bîçîcî jî ew ê Serê Gulanê tevî Şaredariya Bajarê Mezin, Komeleya Farqîniyan û Odeya Bazirganiyê ya Amedê pîroz bikin. Sevîm Bîçîcî, got: “Em bang li tevahiya Farqîniyan û gelên Tirkiyeyê dikin ku tev li bibin.”
Bernameya ji hêla Midûrê Çand û Karên Civakî Mehmet Halît Amaç ve hatiye ragihandin wiha ye:
13’ê Gulanê: Dê li Deriyê Kulfayê kom bibin û li cihên dîrokî bigerin û li Qonaxa Alî Aga panel bê lidarxistin. Saet: 11.00-13.30
13’ê Gulanê: Li Qada Azîzoglû dê şano were pêşandan û KASED dê li Pira Malabadiyê danasîna cil û bergên Kurdî bike. Saet: 18.00 - 20.00
14’ê Gulanê: Li pêşiya avahiya şaredariyê dê kom bibin, danasîna lîstikên berê û paraşût were kirin û piştre li Parka Rindêxanê bi beşdariya hunermend Rojda û Şahîn Fariqîn konser were dayin. Saet: 10.30 - 20.00
MA/AMED
parvê bike
Nûçeyên ku dikare bala we bikşîne
