Bi hatina 8ˊê Adarê 5 komên girêdayî Tevgera Hîlala Zêrîn, Navenda Cemîl Horo ya Çand û Hunerê ya Helebê amadekariyê dikin ku çalakiyên hunerî yên curbecur îsal pêşkêş bikin.
Tevgera Hîlala Zêrîn a Çanda Jinan û Navenda Cemîl Horo ya Çand û Hunerê ya li taxên Şêxmeqsûd û Eşrefiyê ya Helebê ji destpêka Çileyê ve perwerdekirina 5 komên hunerî zêde kirine. Çaverê ye ew 5 kom beşdarî çalakiyên dê bi boneya 8ˊê Adarê werin lidarketin, bin.
Tevgera Hîlal Zerîn ji bo îsal çalakiyên cur bi cur hazir kirine. Koma govendê ya Şehîd Barîn û koma Dîlana Folklorî ya Şehîd Hêzil û Şîlan kir yek. Dê koma Şehîd Vajîn û koma Şehîd Zîlan ên girêdayî Tevgera Hîlala Zêrîn stranan pêşkêş bikin. Li kêlek wê jî dê stranên ferdî ji hêla endamên Tevgera Hîlala Zêrîn û Navenda Cemîl Horo ya Çand û Hunerê ve werin pêşkêşkirin.
Dê stranên gelêrî, şoreşgerî û neteweyî yên nîşaneya rastiya jinê didin werin pêşkêşkirin. Endama Navenda Cemîl Horo ya Çand û Hunerê Nesrîn Tobal diyar kir ku wan perwerdeya xwe ji destpêka meha yekê ya îsal ve kirin. Nesrîn coşa xwe ji bo pêşwazkirina vê rojê û pêşkêşkirina huneran anî ziman.
Nesrîn got divê jin bi rêya pênûs û hunerê yan jî hilgirtina çekê, heta pêkanîna azadiyê ji tevahî jinên bindest li cîhanê, têkoşîna xwe bilind bikin.
ANHA/HELEB
