Biryar vê gavê hate betalkirin

Ekîba parêzeran a Mehmet Çakas bi daxuyaniyekê ragihand ku xeteriya dersînorkirinê ya 28’ê Tebaxa 2025’an a Mehmet Çakaas a ji bo Tirkiyeyê vê gavê hatiye rawestandin.

Xeteriya dersînorkirinê ya Mehmet Çakas a ji bo Tirkiyeyê di 28’ê Tebaxa 2025’an de di rojevê de bû. Tevî ku derbarê wî de li Tirkiyeyê xeteriya cezayê muebbeta giran jî hebû, karûbarên dersînorkirinê ji aliyê daîreya biyaniyan û wezareta karên hundir a Saksonyaya Jêrîn dihate dewam kirin.

Dadgeha Îdareyê ya Luneburgê bi biryareke lezgîn a daye, bi rengekî demborî biryara dersînorkirinê ya Mehmet Çakas da sekinandin. Ev biryar vê gavê heta bidawîbûna biryara dadgehê hatiye rawestandin. Rûniştina esasî ya vê biryarê wê di 8’ê Îlona 2025’an wê li dadgeha îdarî ya Luneburgê pêk bû.

Derbarê mijarê de wê daxuyaniyeke çapemeniyê ya berfireh were dayîn.

Parlementera Parlementoya Federal a Die Linke Cansû Ozdemîr jî derbarê mijare dê de daxuyaniyek da û got:’’Biryara derbarê dersînorkirina Mehmet Çakas a Tirkiyeyê ya vê gavê, biryareke rast e û encama têkoşîneke siyasî ye. Heta ku xeteriya dersînorkirinê ya Mehmet Çakas ji holê rabibe em ê piştgirî û xebata xwe ya rayagiştî bidomînin. Îtalya jî xwedî wê derfetê ye ku prosedura îltîcayê ya adil bicîh bîne. Em e berdewam bikin ku vê doza dijhiqûqî bişopînin û piştgiriyê bidin daxwazên rewa yên Mehmet Çakas.’’

NAVENDA NÛÇEYAN