Bila doz bê betalkirin!

Çarşem 12 Çile 2022 - 22:15

  • Li Elmanyayê ji xala Qanûna Ceza a Elman 129’ê Yilmaz Acîl ê Kurd jî tê dadgehkirin.

Li Elmanyayê ji xala Qanûna Ceza a Elman 129’ê Yilmaz Acîl ê Kurd jî tê dadgehkirin. Parêzerê wî ji bo ku doza li dijî wî bê betalkirin, miracaet kir. 

Yilmaz Acîl li bajarê eyaleta Bayermê Augsburgê dimîne û 10’ê Îlona 2020’an di serdegirtineke polêsan de hatibû girtin. Li dijî wî ji xalên 129 a û 129b yên qanûna ceza ya Elman bi îdîaya “endametiya PKK´ê” doz hat vekirin. 

Îdîanameya dozgeriyê bi xwe sosreteke ecêb e: Beşdariya bibîranîna Seyid Riza, ji Augusburgê birina flamaya bi wêneyê Seyid Riza, beşdariya bibîranînên komkujiyên Dêrsim, Mereş û Roboskiyê jî di nava delîlan de ne. Kirîna kulîlkan û heta paqijiya piştî çalakiyan jî weke sûc hatine bicihkirin.

Li Kurdistanê ji dayik bûm

Yilmaz Acîl 13´ê Nîsana 2021’ê hat tehliyekirin û ji hingê ve negirtî tê dadgehkirin. Rûniştina dozê ya pêşî doh li Dadgeha Bilind a Eyaletê ya Munchenê bi rê e çû. Yilmaz Acîl ji ber mubalexekirina tevdîrên qaşo ji bo ewlekariyê nerazîbûn nîşan da. Di dema tesbîtkirina nasnameyê de jî li ser pirsa dadger a “Ma tu li Tirkiyeyê hatî dinyayê” jî got, “Ez li Kurdistanê hatim dinyayê”.

Parêzerê Yilmaz Acîl, Yunus Ziyal got, doz ne hiqûqî ye û bi temamî bi ajoyên siyasî hatiye vekirin. Wî xwest doz bê betalkirin. Parêzer Ziyal got, “Sûc û binpêkirinên dewleta Tirk di wê astê de ne ku vê dozê betal bikin.” 

Çav li rê ye, dozgerî heta nîvê Sibatê bersivekê bide miracaeta betalkirina dozê.  

NAVENDA NÛÇEYAN

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.